الموت ما يرحم

أمس مصدومة وأبكي واشكي..وأعاني..من جرحي وحياتي..
واليوم ألعب وأمزح وفرحانة..وأضحك والبسمة ما تفارق شفاتي..
أهتم يوم وأطنش أيام..أتكلم شهر وأسمع أعوام..
أضحك مع ناس وأبكي على ناس..
أشوفهم وفجأة أفقدهم!!
بدون إحساس أفارقهم..!
والعيشة من بعدهم بلوى..

((لأن الموت ما يرحم))

بس القلوب ما تهتم..
أقابل ناس تفرحني..أساعدها وتساعدني..أعاتبها وتعاتبني..أسايرها وتسايرني..
أنا هذي حياتي مع الدنيا..

صدفه بيوم عرفتك..وسمعتني وسمعتك..
ضحكنا مع بعض كثير مثل براءة طفل صغير..
بكيت شوي شكيت هموم..وعدتك هالبكى ما يدوم..
اعترفت بقلب (لك أرتاح)..قلب مات بطعن جراح..
ناديتك..مسكت يدك..قربتك..وهمست بإذنك..(أنا أحبك)..
"شوقي لك جنني"..ومن على الأرض طيرني..

وفجأة حصل يوم وفقدتني..!!!
سألت عني تدورني..!!
تلفت ما تلاقيني..!!!
رجعت البيت تطلبني.؟؟
ويدق جوالي محد يسمع.!!
الكل منشغل يدعي!!
ويقول يـــــارب لها أشفع..
ترد ها المرة عليك (أمي)..
تقولك خلاص ما ينفع.!!
تركتنا ورحلت لبعيد..والكفن صار لها حضن جديد..
سامحها وبالخير أذكرها..أطلب لها الجنة..وفرحها..
ولو أنها غلطت عليك بيوم "أعذرها"..
ولو مره قست عليك..أو قصرت معك "لا تلومها"..
تذكر ما كان لها (غيرك)..دايم وقتها وياك..
تذكر أنك أنت أحيان تقسى عليها بس تعطيك وتعطيها..
خــــلاص ماتت..

تقفل (أمي) جوالي وتحضنه وتبكي وهي ما تدري عن حالي..!
ما بقى غير ذكرياتي..وصوري..وثيابي..وعطري..وأوراقي..

وإلى متى بأبقي في بال كل غالي..شهر!! شهرين!!..سنه!! سنتين!!..وألا طول العمر..
الناس تبكي يومين وتعيش حياتها..

وأنت ودعني يمكن ارحل.. سامح قلبي اللي "يحبك"..
وداع لقلب خذاه الموت..

(وأمي) وجدي..بينسوني!!وألا بيذكروني بعد موتي!!!
وأخوانـــي بيفقدوني!! وألا بيخبون عنهم موتي.!!

حياتي انتهت خــــلاص..
وأنا ما أطلب من اللي غلطت عليهم يسامحوني..
والوقت فات وأنا ما كتبت (وصاتي)..

دخلوني على (أمي) جسد بدون روح..
بدون إحساس..ثابتة ما أتحرك..
قربت مني..رفعتني..وبكت تودعني..

شالني جدي لسجني..
دفنوني قبل لا أقول (يا حبيبي لا تنساني)..واذكر أيامي معك..
(تكفى لا تنساني)..
وأذكر القلب اللي "حبك"..
وأذكر همسة }أحبك{..

مسكني جدي وودعني..نزلت دمعته تطهرني..شاف وجهي لأخر مره..
حضني بقلب به حسره..
يقول مسكينة مـــــــــــــاتت..

((بس الموت ما يرحم))

دخلني لقبري وشاف التراب يغطيني..
سمعت خطاه وهو يمشي..

((بس الموت ما يرحم))

رجع (لأمي) يقول خــــــلاص بنتي راحت عن عيني..


أنا ما قلت ولا تخيلت..
بس أنت توقع موتي..توقع أنه يصير وكل اللي قلته يتحقق..
بأي لحظه..وبأي وقت..
توقع أني أتأخر..وتمر أيام ما أسأل..
ولا همس يوصل لك..وحتى آهاتي تذبل..
وعن هالدنيا أنا أرحل..أخباري تنقطع عنك..
نبض قلبي خلاص يوقف..وأحاسيسي تتباعد..وشعوري ينساني..
وتختفي ضحكتي من هالكون..ويفقدني من جنّ (بجنوني)..
ويسامحني من غلط عليه قلبي..

وقلبك أمـــــانه مني "لا يزعل"

((لأن الموت ما يرحم))

بس قبل ما هذا يتحقق بيوم من الأيام..
كلمه وحده بخاطري بقولها لك..دوم..

((أحبـــــــــــــــك مـــــــــــــــــوت))

’’ وهذي هي وصاتي لك ’’

يعطيك العافيه
bent 3asal
بصراحه القصيده تعور القلب
تقبلي مروري

بسم الله على قلبك ههههههههههههههههه



يسعدني مرورك

((لأن الموت ما يرحم))


كــلام منسووج من الإبدااع


أهنيكيـ على تعبيركـ الرااقيـ


وعلى أسلووبكـ ,,



بالفـ ع ــل

((لأن الموت ما يرحم))




يسلمووووو إختيـ



على روعة ماكتبتيـ


والله لا يرحمنا من إبدااعااتكـ



تقبليـ تحياات


صمتوا

مشكووووووره خيتوووووو

كلام من جد يعور القلب

>>>>> خانقتها العبره

عن جد حبيبتي بنت عسل كلماااااااااااااااااات تعور القلب من الصميم

دمت بود ،،،