ياحيرة رافقت بالـي الطويـل الوسيـع
يادربي المر يامـر الهـوى ياصعبـه
لي خاطر منـك عيـآ يستقـر ويطيـع
ماذللتـه الليالـي رغــم ماتتعـبـه
ياكم شب بحشايـه هـم جـرح يليـع
عليك ياللي عجـزت أسايـره وأغلبـه
الوضع بيني وبينك صار امـره مريـع
مابين تترك وصالـي أو تجـي تطلبـه
مرات أحسك لو أبعد عن عيونك تضيـع
حتى خيالي من عيون العـرب تسلبـه
ومرات لو احترق في وسط جمر وليـع
ماتطفي النـار لكـن بالجفـا تسكبـه
ماجيت يمك كذب ولاجيت يمـك خديـع
جيتك اقدم لك أسمى مآنوجـد وآعذبـه
جيتك وسط نآظري دمعات طفل رضيـع
آقصى طموحه ودادك والغـلا يكسبـه
جيتك وضوح ونقآ ماجيت يمك هجيـع
جيتك وانا كـل درب بالهـوى أضربـه
جيتك أحث القدم بالسير هون وسريـع
جيتك وابترك وراي همومـي المتعبـه
ياصاحبي شلت قدرك فوق روس الجميع
لينت لك كل قاسـي وانخضـع أصلبـه
في ذمتك صون قلبي قـدر ماتستطيـع
لاتمثـل الحـب دور وتبتلـش تلعبـه
أنا نصيتك وابيك تكون سـدي المنيـع
عن كل جرح يحـاول عالمـي يجلبـه
30-Jul-2007, 01:24 AM 
(( لي خاطر منك عيـآ يستقر ويطيع )) 
العرض العادي
