طلب موقع صندوق التنمية العقاري

وعليكم السلام

ارحب يا بو راشد بنتور الخرج بزيارتك

هذا يا طويل العمر اول ما تدخل الخرج وتوقف عند الاشارة اللي عند البرج امشي في وجهك ( سيده )

وتعدى هذي الاشاره ومعاها اشارتين بعد << ركز اثنين معاها يعني المجموع ثلاثه

بعد الاشاره الثالثة بيجي قدامك مدخل المؤسسة العامة للصناعات الحربية

والطريقة يصبح اجباري يسار او تأخذ فوق تحت

انت خذ يسار وامشي لك شوي وخلك مناظر لليسار بتشوف الصندوق ع اليسار في الشارع المقابل

وللمعلومية ( ترا هذا الوصف لـ بنك التسليف اللي حسب علمي هو صندوق التنمية العقاري )

بالتوفيق لك ابو راشد

ابو راشد اذا الوصف موب واضح لك


جرب هالحركة


اول ما تدخل الخرج اتصل على ( 999 - 993 ) << ع المرور او الدوريات الامنية


وقل لهم انك جاي من الرياض وتبغي صندوق التنمية بالخرج


وقتها انت وحظك ممكن يرد عليك بدوي ويستقعد لك هههههههههههههههههههههههه


لكن ان شاء الله يرد عليك واحد عاقل ويعطيك الوصف بدقه



تحياتي لك

كاسترو الله يهديك تبي توهق الرجال بـ وصفك لبنك التسليف هههههههههههههههه


اخ ابو راشد مثل ما ذكر لك الاخ نبض الخرج الله يعطيه العافية


الصندوق يقع في ( حي المنتزة ) بعد الاشارة الثالثة على طريق الملك فهد ( اشارة ماكدونالدوز ) وانت متجه للـشرق


موفق خير ابو راشد

الاخ كاستروا...مشكور يالغالي

نبض الخرج...الله يعطيك العافيه

اخوي خرجاوي مشكور وماقصرت
بس للمعلوميه. انا ماعرف لاحي المنتزه ولا طريق الملك فهد ولا اشارة ماكدونالدز
انا بجي من الرياض وبدخل الخرج لين يجيني البرج..ثم وين اروح؟؟؟؟

لاهنتوا يالغاليين

اخوي خذ العلم
تدخل الخرج وكل الاشارات تمشي قدام لما ياخذ فيك الطريق اجباري يسار
لان بيكون قدامك المصانع الحربيه ومن تاخذ يسار على نفس الطريق يكون هذا طريق الملك فهد تمشي متجه للشرق
الاشاره الرابعه تاخذ ريتيرن ( تديور ) وتمشي إلى ما يجيك البنك الاهلي تدخل قبله بالحاره يمين وأول تقاطع تدخل يمين وعلى طول في وجهك البنك
واذا خلصت الله لا يهينك ثاني لفه من الغرب بيتنا حيااااااااااك الغداء ^_^
وأي شي تبيه بالخرج باذن الله مانقصر معاك لو تبي ارسل لك رقم جوالي يالغلا رساله خاصه
ومن اول ما تدخل الخرج في استقبالك يالغلا

احترامي لك